2016 çулхи юпа уйăхĕн 19-мĕшĕнче А.Г.Журавлев ячĕллĕ Тĕмшерти пĕтĕмĕшле тĕп пĕлÿ паракан шкулта «Ростки Возрождения» вăйă-конкурсăн районти тапхăрĕ иртрĕ. Пирĕн шкултан конкурса 5-мĕш тата 8-мĕш классенче вĕренекен ачасен ушкăнĕ хутшăнчĕ. Шкул ачисем чăвашсен сĕрен йăлине выляса пачĕç. Сĕрен вăл – мăн кун эрнин виççĕмĕш кунĕнче ирттерекен йăла. Çак кун ачасем ял тăрăх килсерен çÿресе чир-чĕр хăваланă.

Конкурса пĕтĕмлетсе жюри «Сĕрен ачисем» ушкăна çĕнтерÿçĕ тесе палăртрĕ. Кунсăр пуçне, 8-мĕш класра вĕренекен Лаврушкина Анна ал ĕçĕсен конкурсĕнче 3-мĕш вырăна тухрĕ. Вăл хăй ăсталанă тухьяпа жюрире ларакансене тĕлĕнтерчĕ.