Чăвашлăха тытса пыракан чи ĕçлĕ шкулсене тупса палăртас тĕллевпе Чăваш наци конгресĕ, Чăваш Республикин вĕренÿ тата çамрăксен политикин министерстви, Вĕренÿ институчĕ „Чăвашлăха аталантаракан чи лайăх шкул” конкурс ирттернĕччĕ. Республика конкурсĕн пĕтĕмлетĕвĕ 2016 çулхи юпа уйăхĕн 24-мĕшĕнче  Шупашкар хулин 10-мĕш шкулĕнче иртрĕ.

Республика шайĕнче ăмăртăвăн иккĕмĕш тапхăрне 17 шкул хутшăнчĕ. Çав шкулсен шутĕнче – пирĕн шкул та. Вăл çамрăк ăрăва ăс-хакăл тата кăмăл-сипет енчен аталанма, чăваш халăхăн ырă йăли-йĕркине хисеплеме вĕрентнĕшĕн конкурс дипломне тивĕçрĕ.